Иргэд Тасганы овооноос энэ жилийн анхны нараа харж, мөрөө гаргалаа

 “Тийн ялгуулсан” хэмээх усан могой жилийн сар шинийн 1-ны өглөөний мандах нарыг иргэд Тасганы овооноос харж, энэ жилийнхээ мөрийг гаргалаа.

Read more »

Мэдээлэл,

Монгол Улсын Ерөнхийлөгч нийт ард иргэддээ сар шинийн мэнд дэвшүүлэв

    Арвандолдугаар жарны “Тийн ялгуусан” хэмээх харагчин усан могой жилийн цагаан сарын шинийн нэгэнд Монгол Улсын Ерөнхийлөгч өндөр настан буурлуудын төлөөлөл болсон есөн ахмадтай Төрийн ордны Ёслол, хүндэтгэлийн танхимд амар мэндийг нь эрэн золголоо.

    Төрийн золголтод Сүхбаатар аймгийн Халзан сумын харьяат, 106 настай С.Бүтэмж, Өвөрхангай амйгийн Уянга сумын харьяат, 101 настай Д.Гомбоо, Ховд аймгийн Эрдэнэбүрэн сумын харьяат 100 настай Л.Ишжамц, Дорнод аймгийн харьяат 97 настай П.Норжин, Өмнөговь аймгийн Ханхонгор сумын харьяат Ц.Адъяа, Увс аймгийн Зүүнхангай сумын харьяат Л.Бүзмаа, Дундговь аймгийн харьяат Н.Арвага, Увс аймгийн Тэс сумын харьяат Я.Нямаа, Сүхбаатар аймгийн харьяат В.Дэнсмаа нарын настан буурлууд оролцлоо.   

 
    Настан буурлуудтай золгож хөөрөг зөрүүлэн амар мэндийг нь мэдсэний дараа Монгол Улсын Ерөнхийлөгч Ц.Элбэгдорж нийт ард түмэндээ хандан үг хэлсэн юм.   

 
    Монгол Улсын Ерөнхийлөгч ард иргэддээ хандаж хэлсэн үгэндээ “Арвандолдугаар жарны “Тийн ялгуусан” хэмээх харагчин усан могой жилийн сар шинийн энэ баярын өдөр нийт ард иргэддээ бүгдэд нь эрүүл энх, аз жаргал, сайн сайхан бүхнийг хүсье. Цаг их сайхан наашилж, буян заяа тэгширч сайхан болж байна. Төрийн өргөөндөө золгож, ахмадуудтайгаа золгож, Төрийн хүндэтгэлийнхээ өргөөнд хүндэтгэлээ үзүүлж, бүх ёс төрөө үйлдлээ.

 
    Өвгөд, хөгшдөө нялхас мэт, өвгөд, хөгшдөө хүүхэд мэт асран тэтгэж, хүүхэд нялхсаа өвгөд, хөгшид мэт дээдлэн дэмжиж явахыг нийт ард иргэдээсээ хүсэн ерөөе.

    Энэ жил гарч байгаа усан могой жил Монголын ард түмэнд буян заяагаа өгсөн, улс орны маань хөгжил дэвшил улам өөдрөг байхыг хүсэн ерөөе” гэлээ.

Read more »

Мэдээлэл,

Усан могой жилд таны ажил үйлс, эрүүл мэнд ямар байх вэ?

УСАН МОГОЙ ЖИЛД ХУЛГАНА ЖИЛТНҮҮДИЙН ЕРӨНХИЙ ТӨЛӨВ:


Ерөнхий төлөв сайн, ашиг орлогын тухайд дунд зэрэг, бие эрүүл мэнддээ анхаарвал зохистой. Аливаа санаж сэдсэн ажил удаашрах бүтэмж тааруу байх талтай. Нийт хулгана жилтнүүд суудал өнцөгдсөний засал хийлгэх ба Жанаггогдог, Жамбалцанжид, Ширнэн Сундуй, Цэнд, Жадамба айлтгуул. Шүтээнээ аргадан тахиж, зул хүж өргө. Ариун бус зүйлийг тэвч.




1912 оны усан хулгана, 1936 оны гал хулгана, 1960 оны төмөр хулгана, 1984 оны модон хулгана, 2008 оны шороон хулгана жилтнүүд:


Эр нь ууланд суусан. Ам цангах, үрэвсэлт өвчин, үс унах, шар ус гүйх зэрэг өвчнөөс сэргийл. Ан ав хийх, нойтон мод таслахыг цээрлэж, бохир идээ ундааг тэвчвэл зохистой. Энэ жилдээ хар өнгөтэй малгай бүү өмс. Өвс хатаж, газар хөлдөх үед эрүүл мэнд, ажил үйлсдээ анхаар. Суудлын засал болгон Намсрай тахиул, Цагаан өвгөний сан, Дүгэр, Сундуй уншуул.


Эм нь хийд суусан. Хий өвчин, чих дүлийрэх, зүрхний хий хөдлөх, мэдрэлийн өвчин зэргээс сэргийл. Муу хүмүүнтэй үл нөхөрлөн, хэрүүл маргааныг тэвч. Энэ жилдээ шар өнгийн эд зүйл бүү ав. Хавар, намрын цагаар анхаарууштай. Гонгор, Лхам тахиул. 3 гүрэм, Сундуй уншуул.


1924 оны модон хулгана, 1948 оны шороон хулгана, 1972 оны усан хулгана, 1996 оны гал хулгана жилтнүүд:


Эр нь шороонд суусан. Шарын буюу халдварт өвчнөөс болгоомжлон сэргийл. Үнэт эдлэл болон шар өнгийн сав суулга бүү ав. Газар ухах, мод таслах, чулуу ховхлохыг цээрлэ. Жалганы ам харлах үе буюу хаврын гурван сард болгоомжтой байж бие эрхтэн, ажил үйлстээ анхаар. Чойжил тахиул, Сундуй, Саеи-нинбын доо, 13-сан, Алтангэрэл, уншуул.


Эм нь огторгуйд суусан. Нойр багасах, толгой, гар, хөлний өвчнөөс сэргийл. Амьтны амь бүү тасал. Нохой ба шар өнгийн эд авахыг цээрлэн, уул хаданд авирахаас болгоомжил. Газар хөлдөх үед болгоомжил. Намхайнинбу-доо, Алтангэрэл, Шалши, 13-сан, Сундуй уншуул.





УСАН МОГОЙ ЖИЛД ҮХЭР ЖИЛТНҮҮДИЙН ЕРӨНХИЙ ТӨЛӨВ:


Үхэр жилтнүүдийн хувьд могой жилд бие эрүүл мэндийн тухайд сайн, гадна дотны хорлол үгүй. Санаж сэдсэн ажил үйлсийн бүтэмж дунд зэрэг. Бие, хэл, сэтгэлээр үйлдэж буй үйлийг анхаарвал зохистой. Шүтээнээ аргадан тахиж, зул хүж өргө. Ариун бус зүйлийг тэвч. Ивээл жил гарахад хийморь доройтох нас таарах тул нийт үхэр жилтнүүд хийморийн сан олонтаа тавиул.
1913 оны усан үхэр, 1937 оны гал үхэр, 1961 оны төмөр үхэр, 1985 оны модон үхэр, 2009 оны шороон үхэр жилтнүүд:


Эр нь ус суудалд суусан. Бөөр, сав, гэдэс, уруул ам, үе мөчний өвчнөөс сэргийл. Энэ жилдээ хар, шар өнгийн эд зүйлс бүү ав. Гахай, загасны мах идэхийг тэвчиж ариун бус идээнээс болгоомжил. Хур бороо орох үед эрүүл мэнд, ажил үйлстээ анхаар. Суудлын засал болгон Шавдагдором, Лүмбэнгарав, 13-сан уншуул. Лхам сахиус тахиул.


Эм нь гал суудалд суусан. Толгой, нүд, чих, хамар тэргүүнтэй өвчнөөс сэргийл. Энэ жилдээ улаан өнгийн эд, хувцас хунар бүү ав. Өвс шарлах үед хянамгай байж, ажил үйлс, эрүүл мэнддээ болгоомжтой хандахтун. Суудлын засал болгон Дашзэвэг, Доржнамжим, Гомбо, Галын сан, Сундуй уншуулваас зохино.


1925 оны модон үхэр, 1949 оны шороон үхэр, 1973 оны усан үхэр, 1997 оны гал үхэр жилтнүүд:
Эр нь гал суудалд суусан. Толгой, нүд, чих, хамар тэргүүнтэй өвчнөөс сэргийл. Энэ жилдээ улаан өнгийн эд, хувцас хунар бүү ав. Өвс шарлах үед хянамгай байж, ажил үйлс, эрүүл мэнддээ болгоомжтой хандахтун. Суудлын засал болгон Дашзэвэг, Доржнамжим, Гомбо, Галын сан, Сундуй уншуулваас зохино.


Эм нь ус суудалд суусан. Бөөр, сав, гэдэс, уруул ам, үе мөчний өвчнөөс сэргийл. Энэ жилдээ хар, шар өнгийн эд зүйлс бүү ав. Гахай, загасны мах идэхийг тэвчиж ариун бус идээнээс болгоомжил. Хур бороо орох үед эрүүл мэнд, ажил үйлстээ анхаар. Суудлын засал болгон Шавдагдором, Лүмбэнгарав, 13-сан уншуул. Лхам сахиус тахиул.





УСАН МОГОЙ ЖИЛД БАР ЖИЛТНҮҮДИЙН ЕРӨНХИЙ ТӨЛӨВ:


Могой жилд бар жилтнүүд бие, эрүүл мэнддээ анхаарвал зохистой. Ажил үйлсийн тухайд дунд зэрэг байх ч хянуур хандан хичээл зүтгэл гаргаж чадвал амжилтад хүрнэ. Хэл ам нүүрлэх ч худалдаа наймаанд одтой байж, эд агуурс арвижна. Нийт бар жилтнүүд суудал өнцөгдсөний засалтай.



1914 оны модон бар, 1938 оны шороон бар, 1962 оны усан бар жилтнүүд:
Эр нь огторгуйд суусан. Нойр багасах, толгой, гар, хөлний өвчнөөс сэргийл. Амьтны амь бүү тасал. Нохой ба шар өнгийн эд авахыг цээрлэн, уул хаданд авирахаас болгоомжил. Газар хөлдөх үед болгоомжил. Намхайнинбу-доо, Алтангэрэл, Шалши, 13 сан, Сундуй уншуул.


Эм нь шороонд суусан. Шарын буюу халдварт өвчнөөс болгоомжлон сэргийл. Үнэт эдлэл болон шар өнгийн сав суулга бүү ав. Газар ухах, мод таслах, чулуу ховхлохыг цээрлэ. Жалганы ам харлах үе буюу хаврын гурван сард болгоомжтой байж бие эрхтэн, ажил үйлстээ анхаар. Чойжил тахиул, Сундуй, Саеи-нинбын доо, 13 сан, Алтангэрэл, уншуул.


1926 оны гал бар, 1950 оны төмөр бар, 1974 оны модон бар, 1998 оны шороон бар жилтнүүд:
Эр нь хий суудалд суусан. Хий өвчин, чих дүлийрэх, зүрхний хий хөдлөх, мэдрэлийн өвчин зэргээс сэргийл. Муу хүмүүнтэй үл нөхөрлөн, хэрүүл маргааныг тэвч. Энэ жилдээ шар өнгийн эд зүйл бүү ав. Хавар, намрын цагаар анхаарууштай. Гонгор, Лхам тахиул. 3 гүрэм, Сундуй уншуул.


Эм нь уул суудалд суусан. Ам цангах, үрэвсэлт өвчин, үс унах, шар ус гүйх зэрэг өвчнөөс сэргийл. Ан ав хийх, нойтон мод таслахыг цээрлэж, бохир идээ ундааг тэвчвэл зохистой. Энэ жилдээ хар өнгөтэй малгай бүү өмс. Өвс хатаж, газар хөлдөх үед эрүүл мэнд, ажил үйлсдээ анхаар. Суудлын засал болгон Намсрай тахиул, Цагаан өвгөний сан, Дүгэр, Сундуй уншуул.
1986 оны гал бар, 2010 оны төмөр бар жилтнүүд:


Эр нь огторгуйд суусан. Нойр багасах, толгой, гар, хөлний өвчнөөс сэргийл. Амьтны амь бүү тасал. Нохой ба шар өнгийн эд авахыг цээрлэн, уул хаданд авирахаас болгоомжил. Газар хөлдөх үед болгоомжил. Намхайнинбу-доо, Алтангэрэл, Шалши, 13 сан, Сундуй уншуул.


Эм нь шороонд суусан. Шарын буюу халдварт өвчнөөс болгоомжлон сэргийл. Үнэт эдлэл болон шар өнгийн сав суулга бүү ав. Газар ухах, мод таслах, чулуу ховхлохыг цээрлэ. Жалганы ам харлах үе буюу хаврын гурван сард болгоомжтой байж бие эрхтэн, ажил үйлстээ анхаар. Чойжил тахиул, Сундуй, Саеи-нинбын доо, 13 сан, Алтангэрэл, уншуул.





УСАН МОГОЙ ЖИЛД ТУУЛАЙ ЖИЛТНҮҮДИЙН ЕРӨНХИЙ ТӨЛӨВ:



Туулай жилтнүүдийн хувьд ашиг орлого сайн байна. Санаж сэдсэн үйлсийн тухайд дунд зэрэг. Бие эрүүл мэнддээ анхаарвал зохилтой. Ажил үйлсдээ хянуур ханд.


Хийморь доройтон явах суух ажил бүтэмж муутай байж мэдэх тул сан олонтаа тавиулж, хийморийн дарцаг хийсгэн Доржнамжом, Чогжүмүнсэл уншуул.


1915 оны модон туулай, 1939 оны шороон туулай, 1963 оны усан туулай, 1987 оны гал туулай, 2011 оны төмөр туулай жилтнүүд:
Эр, эм төмөр суудалд суусан. Уушиг, зүрх, бүдүүн, гэдэсний өвчнөөс сэргийл. Энэ жилдээ төмөр эдлэл, хутга мэсний зүйл бүү ав. Элдэв хүнээс эд бараа бүү авах, төмөр үл хайлуулах, бухын мах үл идэх. Ариун бусын идээ, ундааг тэвч. Гол ус зайрмагтаж хөлдөх үед болгоомжтой байж ажил үйл, эрүүл мэнддээ анхаарвал зохино.


Гомбо тахиулан Дашзэвэг, Найман гэгээн, Сундуй уншуул. Төмөр суудалд суусан туулай жилтнүүдэд “суудлын харш”-ийн гэм буй тул Жанаггогдог, Жамбалцанжид, Ширнэн Сундуй, Цэнд, Жадамба айлтгуулан засаарай.



1927 оны гал туулай, 1951 оны төмөр туулай, 1975 оны модон туулай, 1999 оны шороон туулай жилтнүүд:


Эр, эм мод суудалд суусан. Элэг, цөс, гэдэсний өвчнөөс сэргийлж, яр гарах, хөл өвдөхөөс болгоомжил. Энэ жилдээ хөх өнгийн эд зүйл ба ирвэсний арьс бүү ав. Мөн бие барсан хүний эд бараа үл авах, туулай илжиг шувууны мах үл идэх, хутга мэс үл авах, баруун хавирганы мах үл идэх. Хэл амнаас болгоомжил. Нойтон мод огтлохыг цээрлэж, хутга мэсний зүйлээр бүү оролд. Мод гөлөглөх үед болгоомжтой байж ажил үйлс, эрүүл мэнддээ хянуур хандаарай. Ариун сан уншуул, Усан балин өргө. Очирваань, Гомбо сахиус тахиул. Дайсны хорлолоос болгоомжилж сан олонтаа тавиулан, хийморийн дарцаг хийсгэ. Сахиус шүтээндээ зул сайн өргө.




УСАН МОГОЙ ЖИЛД ЛУУ ЖИЛТНҮҮДИЙН ЕРӨНХИЙ ТӨЛӨВ:


Луу жилтнүүдийн хувьд могой жилд хийморь сүлд сайн байна. Санаж сэдсэн ажил үйлсдээ анхаарвал зохистой. Бие эрүүл мэндийн тухайд дунд зэрэг байна. Хэл амнаас болгоомжил. Нийт луу жилтнүүд суудал өнцөгдсөний засалтай. Өвөр хоорондоо үл тохирох хоёр жилийг Логар буюу цагаан жил хэмээдэг. Могой луу хоёр ороолдоно хэмээхийн учир луу жилтнүүд цагаан жилийн засал хийлгэвэл зохино. Сэтгэл санаа тавгүйтэх, үрэвсэлт өвчин тусах гэм буй тул анхаар. Заслын ном нь Маналын чого, Додижажаа, Жадамба уншуулж сахиус тахь.


1916 оны гал луу, 1940 оны төмөр луу, 1964 оны модон луу, 1988 оны шороон луу, 2012 оны усан луу жилтнүүд:


Эр нь шороо суудалд суусан. Шарын буюу халдварт өвчнөөс болгоомжлон сэргийл. Үнэт эдлэл болон шар өнгийн сав суулга бүү ав. Газар ухах, мод таслах, чулуу ховхлохыг цээрлэ. Жалганы ам харлах үе буюу хаврын гурван сард болгоомжтой байж бие эрхтэн, ажил үйлстээ анхаар. Чойжил тахиул, Сундуй, Саеи-нинбын доо, 13-сан, Алтангэрэл, уншуул.


Эм нь огторгуй суудалд суусан. Нойр багасах, толгой, гар, хөлний өвчнөөс сэргийл. Амьтны амь бүү тасал. Нохой ба шар өнгийн эд авахыг цээрлэн, уул хаданд авирахаас болгоомжил. Газар хөлдөх үед болгоомжил. Намхайнинбу-доо, Алтангэрэл, Шалши, 13-сан, Сундуй уншуул.


1928 оны шороон луу, 1952 оны усан луу, 1976 оны гал луу, 2000 оны төмөр луу жилтнүүд:


Эр нь уул суудалд суусан. Ам цангах, үрэвсэлт өвчин, үс унах, шар ус гүйх зэрэг өвчнөөс сэргийл. Ан ав хийх, нойтон мод таслахыг цээрлэж, бохир идээ ундааг тэвчвэл зохистой. Энэ жилдээ хар өнгөтэй малгай бүү өмс. Өвс хатаж, газар хөлдөх үед эрүүл мэнд, ажил үйлсдээ анхаар. Суудлын засал болгон Намсрай тахиул, Цагаан өвгөний сан, Дүгэр, Сундуй уншуул.


Эм нь хий суудалд суусан. Хий өвчин, чих дүлийрэх, зүрхний хий хөдлөх, мэдрэлийн өвчин зэргээс сэргийл. Муу хүмүүнтэй үл нөхөрлөн, хэрүүл маргааныг тэвч. Энэ жилдээ шар өнгийн эд зүйл бүү ав. Хавар, намрын цагаар анхаарууштай. Гонгор, Лхам тахиул. 3 гүрэм, Сундуй уншуул.Намхайнинбу-доо, Алтангэрэл, Шалши, 13-сан, Сундуй уншуул.




УСАН МОГОЙ ЖИЛД МОГОЙ ЖИЛТНҮҮДИЙН ЕРӨНХИЙ ТӨЛӨВ:


Могой жилд могой жилтнүүд гадны хорлол хөнөөлөөс анхаарвал зохистой. Бие эрүүл мэнд сайн, санаж сэдсэн ажил үйлс бат бэх байна. Могой жилд төрсөн эр хүмүүн жилийн урдаас гүрэм сайн хийлгэ. Харин эм хүмүүн жил гарсны хойно гүрэм сайн хийлгэ. Үхэгсдийн үйл хийгээд хурим тэргүүтэнг цээрлэ.


1917 оны гал могой, 1941 оны төмөр могой, 1965 оны модон могой, 1989 оны шороон могой, 2013 оны усан могой жилтнүүд:
Эр нь гал суудалд суусан. Толгой, нүд, чих, хамар тэргүүнтэй өвчнөөс сэргийл. Энэ жилдээ улаан өнгийн эд, хувцас хунар бүү ав. Өвс шарлах үед хянамгай байж, ажил үйлс, эрүүл мэнддээ болгоомжтой хандахтун. Суудлын засал болгон Дашзэвэг, Доржнамжим, Гомбо, Галын сан, Сундуй уншуулваас зохино.


Эм нь ус суудалд суусан. Бөөр, сав, гэдэс, уруул ам, үе мөчний өвчнөөс сэргийл. Энэ жилдээ хар, шар өнгийн эд зүйлс бүү ав. Гахай, загасны мах идэхийг тэвчиж ариун бус идээнээс болгоомжил. Хур бороо орох үед эрүүл мэнд, ажил үйлстээ анхаар. Суудлын засал болгон Шавдагдором, Лүмбэнгарав, 13 сан уншуул. Лхам сахиус тахиул. Ус суудалд суусан могой жилтнүүд “суудлын харш”-ийн засал болгон Жанаггогдог, Жамбалцанжид, Ширнэн Сундуй, Цэнд, Жадамба айлтгуулаарай.


1929 оны шороон могой, 1953 оны усан могой, 1977 оны гал могой, 2001 оны төмөр могой жилтнүүд:
Эр нь ус суудалд суусан. Бөөр, сав, гэдэс, уруул ам, үе мөчний өвчнөөс сэргийл. Энэ жилдээ хар, шар өнгийн эд зүйлс бүү ав. Гахай, загасны мах идэхийг тэвчиж ариун бус идээнээс болгоомжил. Хур бороо орох үед эрүүл мэнд, ажил үйлстээ анхаар. Суудлын засал болгон Шавдагдором, Лүмбэнгарав, 13 сан уншуул. Лхам сахиус тахиул. Ус суудалд суусан могой жилтнүүд “суудлын харш”-ийн засал болгон Жанаггогдог, Жамбалцанжид, Ширнэн Сундуй, Цэнд, Жадамба айлтгуулаарай.


Эм нь гал суудалд суусан. Толгой, нүд, чих, хамар тэргүүнтэй өвчнөөс сэргийл. Энэ жилдээ улаан өнгийн эд, хувцас хунар бүү ав. Өвс шарлах үед хянамгай байж, ажил үйлс, эрүүл мэнддээ болгоомжтой хандахтун. Суудлын засал болгон Дашзэвэг, Доржнамжим, Гомбо, Галын сан, Сундуй уншуулваас зохино.





УСАН МОГОЙ ЖИЛД МОРЬ ЖИЛТНҮҮДИЙН ЕРӨНХИЙ ТӨЛӨВ:



Морь жилтнүүдийн бие, эрүүл мэнд дунд зэрэг. Эрүүл мэнддээ анхаарал тавибал зохистой. Санаж сэдсэн ажил үйлс бүтэмжтэй байна. Нийт морь жилтнүүд суудал өнцөгдсөний засалтай.



1918 оны шороон морь, 1942 оны усан морь, 1966 оны гал морь, 1990 оны төмөр морь жилтнүүд:


Эр нь хий суудалд суусан. Хий өвчин, чих дүлийрэх, зүрхний хий хөдлөх, мэдрэлийн өвчин зэргээс сэргийл. Галзуу хүн, хуврагаас таваг аяга үл авах, баруун зүгээс улаан мах үл авах, алаг үхрийн мах үл идэх, газар нүх үл хөндөх, өвчилсөн малын мах үл идэх, барс ирвэсний арьс, хуяг, алт эрдэнэ үл авах. Муу хүмүүнтэй үл нөхөрлөн, хэрүүл маргааныг тэвч. Энэ жилдээ шар өнгийн эд зүйл бүү ав. Хавар, намрын цагаар анхаарууштай. Гонгор, Лхам тахиул. 3 гүрэм, Сундуй уншуул.


Эм нь уул суудалд суусан. Ам цангах, үрэвсэлт өвчин, үс унах, шар ус гүйх зэрэг өвчнөөс сэргийл. Ан ав хийх, нойтон мод таслахыг цээрлэж, бохир идээ ундааг тэвчвэл зохистой. Мөн үхэр үл зарах, үхрийн мах үл идэх, хувраг хүнээс таваг аяга үл авах, газар бүү хөндөх, өндөрт үл гарах. Энэ жилдээ хар өнгөтэй малгай бүү өмс. Өвс хатаж, газар хөлдөх үед эрүүл мэнд, ажил үйлсдээ анхаар. Суудлын засал болгон Намсрай тахиул, Цагаан өвгөний сан, Дүгэр, Сундуй уншуул.



1930 оны төмөр морь, 1954 оны модон морь, 1978 оны шороон морь, 2002 оны усан морь жилтнүүд:


Эр нь огторгуй суудалд суусан. Нойр багасах, толгой, гар, хөлний өвчнөөс сэргийл. Амьтны амь бүү тасал. Энэ жилдээ нохой ба шар өнгийн эд авахыг цээрлэн, уул хаданд авирахаас болгоомжил. Нохой үл тэжээх. Газар хөлдөх үед болгоомжил. Суудлын засал болгон Намхайнинбу-доо, Алтангэрэл, Шалши, 13 сан, Сундуй уншуул.


Эм нь шороо суудалд суусан. Шарын буюу халдварт өвчнөөс болгоомжлон сэргийл. Шар толгойтой хонь үл авах, эм сүвтэн болгон руу үл тэмүүлэх. Энэ жилдээ үнэт эдлэл болон шар өнгийн сав суулга бүү ав. Газар ухах, мод таслах, чулуу ховхлохыг цээрлэ. Жалганы ам харлах үе буюу хаврын гурван сард болгоомжтой байж бие эрхтэн, ажил үйлстээ анхаар. Суудлын засал болгон Чойжил тахиул, Сундуй, Саеи-нинбын доо, 13 сан, Алтангэрэл, уншуул.



УСАН МОГОЙ ЖИЛД ХОНЬ ЖИЛТНҮҮДИЙН ЕРӨНХИЙ ТӨЛӨВ:


Могой жилд хонь жилтнүүдийн ерөнхий төлөв сайн. Санаж сэдсэн ажил үйлс бүтэмжтэй. Ашиг орлогын тухайд дунд зэрэг. Бие, эрүүл мэнддээ анхаарвал зохистой. Бусадтай эв эеийг хичээж ажиллавал зохистой.


1919 оны шороон хонь, 1943 оны усан хонь жилтнүүд:
Эр, эм модонд суусан.


Элэг, цөс, гэдэсний өвчнөөс сэргийлж, яр гарах, хөл өвдөхөөс болгоомжил. Энэ жилдээ хөх өнгийн эд зүйл ба ирвэсний арьс бүү ав. Хэл амнаас болгоомжил. Нойтон мод огтлохыг цээрлэж, хутга мэсний зүйлээр бүү оролд. Мод гөлөглөх үед болгоомжтой байж ажил үйлс, эрүүл мэнддээ хянуур хандаарай. Ариун сан уншуул, Усан балин өргө. Очирваань, Гомбо сахиус тахиул. Мод суудалд суусан хонь жилтнүүд “суудлын харш”-ийн засал хийлгэн Жанаггогдог, Жамбалцанжид, Ширнэн Сундуй, Цэнд, Жадамба айлтгуулаарай.


1931 оны төмөр хонь, 1955 оны модон хонь, 1979 оны шороон хонь, 2003 оны усан хонь жилтнүүд:
Эр, эм төмөр суудалд суусан.


Уушиг, зүрх, бүдүүн, гэдэсний өвчнөөс сэргийл. Энэ жилдээ төмөр эдлэл, хутга мэсний зүйл бүү ав. Ариун бусын идээ, ундааг тэвч. Гол ус зайрмагтаж хөлдөх үед болгоомжтой байж ажил үйл, эрүүл мэнддээ анхаарвал зохино. Гомбо тахиулан Дашзэвэг, Найман гэгээн, Сундуй уншуул.


1967 оны гал хонь, 1991 оны төмөр хонь жилтнүүд:
Эр, эм модонд суусан.


Элэг, цөс, гэдэсний өвчнөөс сэргийлж, яр гарах, хөл өвдөхөөс болгоомжил. Энэ жилдээ хөх өнгийн эд зүйл ба ирвэсний арьс бүү ав. Хэл амнаас болгоомжил. Бие барсан хүний эд бараа үл авах, туулай илжиг шувууны мах үл идэх, хутга мэс үл авах, баруун хавирганы мах үл идэх. Нойтон мод огтлохыг цээрлэж, хутга мэсний зүйлээр бүү оролд.


Мод гөлөглөх үед болгоомжтой байж ажил үйлс, эрүүл мэнддээ хянуур хандаарай.
Ариун сан уншуул, Усан балин өргө. Очирваань, Гомбо сахиус тахиул. Мод суудалд суусан хонь жилтнүүд “суудлын харш”-ийн засал хийлгэн Жанаггогдог, Жамбалцанжид, Ширнэн Сундуй, Цэнд, Жадамба айлтгуулаарай.





УСАН МОГОЙ ЖИЛД БИЧ ЖИЛТНҮҮДИЙН ЕРӨНХИЙ ТӨЛӨВ:


Бич жилтнүүдийн хувьд санаж сэдсэн ажил үйл бүхэн бүтэмжтэй. Ашиг орлого сайн байна. Бие эрүүл мэндийн тухайд дунд зэрэг. Гадна дотны хорлол хөнөөлөөс анхаарвал зохистой. Нийт бич жилтнүүд суудал өнцөгдсөний засалтай.


1920 оны төмөр бич, 1944 оны модон бич, 1968 оны шороон бич, 1992 оны усан бичин жилтнүүд:


Эр нь уул суудалд суусан. Ам цангах, үрэвсэлт өвчин, үс унах, шар ус гүйх зэрэг өвчнөөс сэргийл. Ан ав хийх, нойтон мод таслахыг цээрлэж, бохир идээ ундааг тэвчвэл зохистой. Үхэр үл зарах, үхрийн мах үл идэх, хувраг хүнээс таваг аяга үл авах, газар бүү хөндөх, өндөрт үл гарах. Энэ жилдээ хар өнгөтэй малгай бүү өмс. Өвс хатаж, газар хөлдөх үед эрүүл мэнд, ажил үйлсдээ анхаар. Суудлын засал болгон Намсрай тахиул, Цагаан өвгөний сан, Дүгэр, Сундуй уншуул.


Эм нь хий суудалд суусан. Хий өвчин, чих дүлийрэх, зүрхний хий хөдлөх, мэдрэлийн өвчин зэргээс сэргийл. Галзуу хүн, хуврагаас таваг аяга үл авах, баруун зүгээс улаан мах үл авах, алаг үхрийн мах үл идэх, газар нүх үл хөндөх, өвчилсөн малын мах үл идэх, барс ирвэсний арьс, хуяг, алт эрдэнэ үл авах. Муу хүмүүнтэй үл нөхөрлөн, хэрүүл маргааныг тэвч.


Энэ жилдээ шар өнгийн эд зүйл бүү ав. Хавар, намрын цагаар анхаарууштай. Гонгор, Лхам тахиул. 3 гүрэм, Сундуй уншуул.

1932 оны усан бич, 1956 оны гал бич, 1980 оны төмөр бич, 2004 оны модон бич жилтнүүд:


Эр нь шороо суудалд суусан. Шарын буюу халдварт өвчнөөс болгоомжлон сэргийл. Шар толгойтой хонь үл авах, эм сүвтэн болгон руу үл тэмүүлэх. Энэ жилдээ үнэт эдлэл болон шар өнгийн сав суулга бүү ав. Газар ухах, мод таслах, чулуу ховхлохыг цээрлэ. Жалганы ам харлах үе буюу хаврын гурван сард болгоомжтой байж бие эрхтэн, ажил үйлстээ анхаар.
Суудлын засал болгон Чойжил тахиул, Сундуй, Саеи-нинбын доо, 13 сан, Алтангэрэл, уншуул.


Эм нь огторгуй суудалд суусан. Нойр багасах, толгой, гар, хөлний өвчнөөс сэргийл. Амьтны амь бүү тасал. Энэ жилдээ нохой ба шар өнгийн эд авахыг цээрлэн, уул хаданд авирахаас болгоомжил. Газар хөлдөх үед болгоомжил.
Суудлын засал болгон Намхайнинбу-доо, Алтангэрэл, Шалши, 13 сан, Сундуй уншуул.




УСАН МОГОЙ ЖИЛД ТАХИА ЖИЛТНҮҮДИЙН ЕРӨНХИЙ ТӨЛӨВ:


Могой жилд тахиа жилтнүүдийн хувьд санаж сэдсэн ажил үйлс бүтэмжтэй. Ашиг орлого сайн. Бие эрүүл мэндийн хувьд дунд зэрэг, эрүүл мэнддээ голлон анхаарвал зохистой.



1921 оны төмөр тахиа , 1945 оны модон тахиа, 1969 оны шороон тахиа, 1993 оны усан тахиа жилтнүүд:


Эр нь ус суудалд суусан. Бөөр, сав, гэдэс, уруул ам, үе мөчний өвчнөөс сэргийл. Гахайн мах үл идэх, хар үхэр үл авах, гол усанд үл орох, худаг үл ухах, хар зүсмийн мал буюу хар өнгийн хуучин эд зүйл үл авах, булаг шанд үл хөндөх, загасны мах үл идэх. Энэ жилдээ хар, шар өнгийн эд зүйлс бүү ав. Гахай, загасны мах идэхийг тэвчиж ариун бус идээнээс болгоомжил. Хур бороо орох үед эрүүл мэнд, ажил үйлстээ анхаар. Суудлын засал болгон Шавдагдором, Лүмбэнгарав, 13 сан уншуул. Лхам сахиус тахиул.


Эм нь гал суудалд суусан. Толгой, нүд, чих, хамар тэргүүнтэй өвчнөөс сэргийл. Энэ жилдээ улаан өнгийн эд, хувцас хунар бүү ав. Зээрд халиун гүү буюу малгай цамц үл авах. Өвс шарлах үед хянамгай байж, ажил үйлс, эрүүл мэнддээ болгоомжтой хандахтун. Суудлын засал болгон Дашзэвэг, Доржнамжим, Гомбо, Галын сан, Сундуй уншуулваас зохино. Гал суудалд суусан тахиа жилтнүүд “суудлын харш”-аа Жанаггогдог, Жамбалцанжид, Ширнэн Сундуй, Цэнд, Жадамба айлтгуулан засаарай.


1933 оны усан тахиа, 1957 оны гал тахиа, 1981 оны төмөр тахиа, 2005 оны модон тахиа жилтнүүд:
Эр нь гал суудалд суусан. Толгой, нүд, чих, хамар тэргүүнтэй өвчнөөс сэргийл. Энэ жилдээ улаан өнгийн эд, хувцас хунар бүү ав. Зээрд халиун гүү буюу малгай цамц үл авах. Өвс шарлах үед хянамгай байж, ажил үйлс, эрүүл мэнддээ болгоомжтой хандахтун. Суудлын засал болгон Дашзэвэг, Доржнамжим, Гомбо, Галын сан, Сундуй уншуулваас зохино. Гал суудалд суусан тахиа жилтнүүд “суудлын харш”-аа Жанаггогдог, Жамбалцанжид, Ширнэн Сундуй, Цэнд, Жадамба айлтгуулан засаарай.


Эм нь ус суудалд суусан. Бөөр, сав, гэдэс, уруул ам, үе мөчний өвчнөөс сэргийл. Энэ жилдээ хар, шар өнгийн эд зүйлс бүү ав. Гахай, загасны мах идэхийг тэвчиж ариун бус идээнээс болгоомжил. Хур бороо орох үед эрүүл мэнд, ажил үйлстээ анхаар. Суудлын засал болгон Шавдагдором, Лүмбэнгарав, 13 сан уншуул. Лхам сахиус тахиул.




УСАН МОГОЙ ЖИЛД НОХОЙ ЖИЛТНҮҮДИЙН ЕРӨНХИЙ ТӨЛӨВ:


Могой жилд нохой жилтнүүдийн бие, эрүүл мэнд дунд зэрэг. Санаж сэдсэн ажил үйлстээ анхааран хянамгай хандах нь чухал. Нийт нохой жилтнүүд суудал өнцөгдсөний засалтай.



1922 оны усан нохой, 1946 оны гал нохой, 1970 оны төмөр нохой, 1994 оны модон нохой жилтнүүд:


Эр нь огторгуй суудалд суусан. Нойр багасах, толгой, гар, хөлний өвчнөөс сэргийл. Амьтны амь бүү тасал. Энэ жилдээ нохой ба шар өнгийн эд авахыг цээрлэн, уул хаданд авирахаас болгоомжил. Газар хөлдөх үед болгоомжил. Суудлын засал болгон Намхайнинбу-доо, Алтангэрэл, Шалши, 13-сан, Сундуй уншуул.


Эм нь шороо суудалд суусан. Шарын буюу халдварт өвчнөөс болгоомжлон сэргийл. Шар толгойтой хонь үл авах, эм сүвтэн болгон руу үл тэмүүлэх. Энэ жилдээ үнэт эдлэл болон шар өнгийн сав суулга бүү ав. Газар ухах, мод таслах, чулуу ховхлохыг цээрлэ. Жалганы ам харлах үе буюу хаврын гурван сард болгоомжтой байж бие эрхтэн, ажил үйлстээ анхаар. Суудлын засал болгон Чойжил тахиул, Сундуй, Саеи-нинбын доо, 13 сан, Алтангэрэл, уншуул.



1934 он модон нохой, 1958 оны шороон нохой, 1982 оны усан нохой, 2006 оны гал нохой жилтнүүд:


Эр нь хий суудалд суусан. Хий өвчин, чих дүлийрэх, зүрхний хий хөдлөх, мэдрэлийн өвчин зэргээс сэргийл. Галзуу хүн, хуврагаас таваг аяга үл авах, баруун зүгээс улаан мах үл авах, алаг үхрийн мах үл идэх, газар нүх үл хөндөх, өвчилсөн малын мах үл идэх, барс ирвэсний арьс, хуяг, алт эрдэнэ үл авах. Муу хүмүүнтэй үл нөхөрлөн, хэрүүл маргааныг тэвч. Энэ жилдээ шар өнгийн эд зүйл бүү ав. Хавар, намрын цагаар анхаарууштай. Гонгор, Лхам тахиул. 3 гүрэм, Сундуй уншуул.


Эм нь уул суудалд суусан. Ам цангах, үрэвсэлт өвчин, үс унах, шар ус гүйх зэрэг өвчнөөс сэргийл. Үхэр үл зарах, үхрийн мах үл идэх, хувраг хүнээс таваг аяга үл авах, газар бүү хөндөх, өндөрт үл гарах. Ан ав хийх, нойтон мод таслахыг цээрлэж, бохир идээ ундааг тэвчвэл зохистой.


Энэ жилдээ хар өнгөтэй малгай бүү өмс. Өвс хатаж, газар хөлдөх үед эрүүл мэнд, ажил үйлсдээ анхаар. Суудлын засал болгон Намсрай тахиул, Цагаан өвгөний сан, Дүгэр, Сундуй уншуул.




УСАН МОГОЙ ЖИЛД ГАХАЙ ЖИЛТНҮҮДИЙН ЕРӨНХИЙ ТӨЛӨВ:


Могой жилд гахай жилтнүүдийн санаж сэдсэн ажил үйлс бүтэмжтэй. Ашиг орлого дунд зэрэг. Гадны хорлол хөнөөл өчүүхэн бий тул сэрэмжлүүштэй. Хэл амнаас болгоомжил. Хийморь доройтон, зүүд нойр эвгүйтэх тул сан олонтаа тавиул. Ариун бус зүйлийг тэвчвээс зохилтой. Энэ жил огторгуйд урган гарч байгаа жил нь могой жил учир гахай жилтнүүдийн хувьд их харш жил болох учир нийт гахай жилтнүүд харш жилийн засалтай.


Засал нь Жанцан зэмой бумчин, Жадамба, Цагаан шүхэрт, Сахиусны ганс уншуулах буюу.



1923 оны усан гахай, 1947 оны гал гахай жилтнүүд:
Эр, эм төмөр суудалд суусан.


Төмөр суудалд суусан гахай жилтнүүд тухайн жилдээ сайн байх авч уушиг, зүрх, бүдүүн, гэдэсний өвчнөөс сэргийл. Элдэв хүнээс эд бараа бүү авах, төмөр үл хайлуулах, бухын мах үл идэх. Энэ жилдээ төмөр эдлэл, хутга мэсний зүйл бүү ав. Ариун бусын идээ, ундааг тэвч. Гол ус зайрмагтаж хөлдөх үед болгоомжтой байж ажил үйл, эрүүл мэнддээ анхаарвал зохино.
Гомбо тахиулан Дашзэвэг, Найман гэгээн, Сундуй уншуул.



1935 оны модон гахай, 1959 оны шороон гахай, 1983 оны усан гахай, 2007 оны гал гахай жилтнүүд:
Эр, эм мод суудалд суусан.


Элэг, цөс, гэдэсний өвчнөөс сэргийлж, яр гарах, хөл өвдөхөөс болгоомжил. Энэ жилдээ хөх өнгийн эд зүйл ба ирвэсний арьс бүү ав. Бие барсан хүний эд бараа үл авах, туулай илжиг шувууны мах үл идэх, хутга мэс үл авах, баруун хавирганы мах үл идэх. Хэл амнаас болгоомжил. Нойтон мод огтлохыг цээрлэж, хутга мэсний зүйлээр бүү оролд. Мод гөлөглөх үед болгоомжтой байж ажил үйлс, эрүүл мэнддээ хянуур хандаарай. Ариун сан уншуул, Усан балин өргө. Очирваань, Гомбо сахиус тахиул.

1971 оны төмөр гахай, 1995 оны модон гахай жилтнүүд:
Эр, эм төмөр суудалд суусан.


Төмөр суудалд суусан гахай жилтнүүд тухайн жилдээ сайн байх авч уушиг, зүрх, бүдүүн, гэдэсний өвчнөөс сэргийл. Элдэв хүнээс эд бараа бүү авах, төмөр үл хайлуулах, бухын мах үл идэх. Энэ жилдээ төмөр эдлэл, хутга мэсний зүйл бүү ав. Ариун бусын идээ, ундааг тэвч. Гол ус зайрмагтаж хөлдөх үед болгоомжтой байж ажил үйл, эрүүл мэнддээ анхаарвал зохино.
Гомбо тахиулан Дашзэвэг, Найман гэгээн, Сундуй уншуул.

Read more »

Мэдээлэл,

Шинийн нэгний өглөө хэрхэн зүг, мөрөө гаргах вэ?

XVII жарны “Тийн ялгуусан” хэмээх Усан могой жилийн шинийн 1-ний өглөө зүг мөрөө хэрхэн гаргах тухай  мэдээллийг хүргэж байна.

Read more »

Мэдээлэл,

Өвөр Монголд могой жилийн галын тахилга болов

   Өвөр Монголын Ар Хорчин хошууны монголчууд могой жилийн галын тахилга хийлээ. Энэхүү ёслолыг Ар Хорчин хошууны Гэрэл зургийн нийгэмлэг, Утга урлагийн холбоо зохион байгуулжээ.  Тахилгад 200 гаруй монголчууд оролцон эвчүү засан зул асааж, тулгын галаа ноцоож, галын өчиг уншиж, хишиг буянаа хурайлж, хиймор сүлдээ даатгасан байна. 

  Галын тахилгын ёслолыг зохион байгуулагчдын нэг болох хөтлөгч Хаданбаатар хэлэхдээ: Энэхүү ажиллагаа нь хоёр дахь удаагаа зохиогдож байгаа бөгөөд эхний жилдээ бурхан шашины Гэнпийн хийдэд явагдаж байсан. Харин энэ жил эх хэлний залгамж болсон Чавга тавдугаар дунд сургуульд болж байна" гэжээ.

Read more »

Мэдээлэл,

Ерөнхийлөгч ЗГ -ын үйл ажилгаатай танилцан сайдуудыг зэмлэв / 2013.01.19

Read more »

Мэдээлэл,

Хэлэлцүүлэг - УБ хотын захирагч Бат-үүл

Read more »

Мэдээлэл,

Дэлхий дахинд болж буй үйл явдлууд

Монголчууд 2013 оноо аз жаргал, баяр баяслаар дүүрэн угтлаа

Нийслэлчүүд бид улиран одож буй 2012 оноо ажилт бүтээлээр дүүрэн үдэж, айлчлан ирж буй 2013 оноо баяр баярслаар дүүрэн угтлаа. Он солиогдох торгон агшинд нийслэлчүүд маань төв талбай дээрээ цуглаж “Улаанбаатарын мөнгөн үдэш” цэнгүүнийг үзэж айлчлан ирж буй шинэ оноо хамтдаа угтлаа.
Монголчууд бидний хvндэтгэн vздэг сүх жанжны талбайд жил бүрийн 12 дугаар сарын 31-ний үдэш “Улаанбаатарын Мөнгөн үдэш” цэнгүүнийг зохион байгуулдаг уламжлалтай. Нийслэлийн засаг даргын тамгын газраас зохион байгуулдаг Улаанбаатарын мөнгөн үдэш цэнгүүн энэ жил дуутай хууртай, хөгжилтэй, бүжиг наадамтай болж нийслэлчүүдийг төв талбай дээрээ улиран одож буй 2012 оноо үдэж, айлчлан ирж буй 2013 оноо угтан авах таатай боломжийг бүрдүүлсэн байлаа. Төв талбай дээрээ цугласан мянга мянган нийслэлчүүд Урлаг соёлын алдартнуудын амьд тоглолтонд уярч, бүжиж, айлчилан ирж байгаа 2013 оноо инээд хөөр баяр баяслаар дүүрэн угтсан юм. Монголчуудын хувьд улиран одсон 2012 он ололт амжилтаар дүүрэн жил байсаныг төв талбай дээр хурсан олон хэлж байлаа. Түүхэнд тодоор бичигдэх олон сайхан үйл явдлууд тохиож улс орны эдийн засаг,  уул уурхай зам барилгын салбарын үсрэнгүй хөгжлийн жил байсныг онцолъёо. Мөн монголчууд ирэх дөрвөн жилд төр барих түшээдээ сонгож шинэчлэлийн засгийн газар байгуулагдсан. Он солигдох энэ  мөчид нийслэлийн засаг дарга дэлхийн хотуудын жишгээр төв талбайд хүрэлцэн ирж нийслэлчүүдтэйгээ шинэ оноо угтсан юм.
Төр засгийнхаа тэргүүн, төрийн түшээдтэй хамт шинэ оноо угтаж байгаа иргэд, гэр бүл найз нөхдөөрөө дурсгалын хөргөө татуулж Улаанбаатарын мөнгөн үдшийг хамтдаа тэмдэглэж, халуун дулаан уур амьсгалыг бүрдүүлж байлаа. Наян настай буурлаас найман настай балчир хүртэл хоёр он солигдох торгон агшинд хамтдаа дуулж бүжиж, баярлаж оргилуун дарс буудуулж байлаа. Манай сурвалжлах групп хурсан олны сэтгэгдлээс үзэгч танд хүргэж баярын мэндчилгээг нь дамжуулсан юм.
Манай UBS телевизийн хувьд 2012 он уран бүтээлийн арвин их ургацтай жил байж нийт үзэгчдийнхээ мэлмийг баясгах олон арван уран бүтээлийг хийж үзэгчдийн хүртээл болгосон билээ. Энэ удаад ч бид бүхэн хоёр он солигдох торгон мөчид Сүхбаатарын талбайгаас Улаанбаатарын мөнгөн үдэш Шоу цэнгээнийг эх орон даяар шууд дамжуулан хүргэсэн юм.
Улаанбаатар хотыхоо төв цэг Сүхбаатарын талбайд зохион байгуулагдсан Улаанбаатарын мөнгөн үдэш цэнгүүнд нийслэлчүүд маань сэтгэл хангалуун байж ирэх ондоо ажил хөдөлмөрийн арвин их амжилт гаргахаа ийнхүү хэлж байлаа. Энд нэг зүйлийг онцлоход Улаанбаатарын мөнгөн үдэш цэнгүүнд оролцохоор ирсэн  нийслэлчүүдийн тав тухтай орчинг  бүрэн утгаар нь бүрдүүлж өгсөн байлаа.  Ийнхүү нийслэлчүүд маань айлчилан ирж буй 2013 онтойгоо учран золгох тэр агшинд тэнгэрт мянга мянган сальют гэрлээ цацруулж шинэ оноо угтан авлаа

ХБНГУ: Зул сарын хандивын арга хэмжээ эхэллээ

Германы Вюрцбург хотод жил бүрийн зул сарын баяраар зохион байгуулагддаг хандивын арга хэмжээ эхэлсэн байна. Энэ үеэр католик шашинтай олон мянган хүмүүс хотын гудамжинд цуглаж, бурхныг магтан дуулан хандив цуглуулдаг юм.
Баярын арга хэмжээний хүрээнд өчигдөр Вюрцбург хотод Гурван цэцний хувцас өмссөн 2,000 гаруй хүүхэд цугласан байна. Энэ нь зул сарын улирал эхэлснийг илтгэж байгаа бөгөөд энэ үеэр цугласан мөнгийг дэлхийн өнцөг булан бүрт байгаа хүүхдүүдэд туслахад зориулдаг юм. Христийн шашны ёсоор Есүсийн мэндлээд удаагүй байхад гурван цэцэн ирж бэлэг өгдөг гэсэн уламжлалыг хадгалж үлдсэн нь энэ юм байна.
ХБНГУ-ын Католик залуучуудын байгууллагаас энэ арга хэмжээг зохион байгуулж ирсэн юм. Тус хоттой хөрш зэргэлдээ орших Католик сүмүүдээс  ирэх өдрүүдэд 500,000 гаруй хүүхэд баярын арга хэмжээнд оролцохоор ирэх юм байна. Зул сарын улирал ирэх 1 дүгээр сарын 6-ны өдөр хүртэл үргэлжлэх юм.
Өнгөрсөн жил энэ үеэр 42,4 сая еврогийн хандив цугларч байсан нь уг арга хэмжээ 1959 онд зохиогдож эхэлснээс хойш хамгийн их хандив цуглуулсан тохиолдол юм байна.

 

Латин Америкийн орнуудад хэт халж байна

Сүүлийн жилүүдэд дэлхийн цаг агаарын өөрчлөлтөөс болж зарим газарт онц содон үзэгдэл тохиох нь элбэг болжээ. Манай албаны эх сурвалжийн дамжуулснаар Латин Америкийн орнуудад агаарын дулааны шилжилт явагдаж, хэт халсан байна.
Сүүлийн жилүүдэд дэлхийн цаг агаарын өөрчлөлтөөс болж зарим газарт хүйтэрч, зарим газарт олон жил тохиогоогүйгээр халж байна. Тухайлбал АНУ, Европын орнуудад цочир хүйтэрч, их хэмжээний цас орсноос иргэд амь насаа алдах тохиолдол гарч байна. Харин Латин Америкийн орнуудад дулааны шилжилт хөдөлгөөн явагдаж, хэт халж байгаа тухай дамжуулж байгаа юм.
Бразилийн Рио дэ Жанейро хотод 1915 оноос хойш бараг зуун жилд тохиолдоогүй халуун өдөр бүртгэгдсэн байна. Энэ сарын 26-ны өдөр агаарын температур 43,2 хэмд хүрч, хотын оршин суугчид, аялагч жуулчид далайн эрэгт өдрийг өнгөрөөжээ.
Далайн эрэг дээр амрагч хэлэхдээ:
“Энд маш халуун байна. Өнөөдөр арай гайгүй байгаа ч 26-ны өдөр аймшигтай санагдаж байсан шүү.”
Далайн эрэг дээр амрагч хэлэхдээ:
“Нэг байшинд л гэхэд 2-оос илүү, заримд нь бүр 4, 5 агааржуулагч байна. Рио дэ Жанейро хот маш халуун байна.”
Рио  хотоос гадна Аргентины нийслэл Буэнос Айрест өнгөрсөн долоо хоногийн амралтын өдрүүдээс хойш агаарын температур 42 хэмд хүрч байна. Цаг агаар хэт халснаас хотын амьтны хүрээлэнгийн 14 настай Уиннер цагаан баавгай үхжээ. Амьтны хүрээлэнгийн ажилчдын яриагаар цаг агаарын гэнэтийн өөрчлөлтөөс болж зарим амьтдын зан байдалд өөрчлөлт орсон байна.

Барак обама санал хураалт явуулна

АНУ-ын сенатын гишүүд ирэх оноос хэрэгжиж эхлэх хуулийн төсөл дээр санал нэгдэлгүй сунжирсаар ерөнхийлөгч Обамаг Хавай дахь амралтнаас нь ирүүлсэн билээ. Тэгвэл Барак Обама танхимын гишүүдийн зөвшилцөлд хүрч чадахгүй бол санал хураалт явуулна гэдгээ мэдэгдсэн байна.
Барак Обама амралтнаасаа эргэж ирээд танхимын төлөөлөгчидтэй уулзсан юм. Хэрэв конгресс, сенатын гишүүд энэ байдалтай зөвшилцөлд хүрч чадахгүй бол ирэх оны эхний өдрөөс өмнө яаралтай санал хураалт явуулах юм байна. 2013 оноос өмнө батлагдах хуулийн төсөл ирэх оны 1 дүгээр сарын 1-ний өдрөөс хэрэгжиж эхлэх юм.
АНУ-ын ерөнхийлөгч Барак Обама хэлэхдээ:
“Бидэнд шийдвэрээ гаргахад маш бага хугацаа үлдлээ. Америкчуудын төлөх татварын хэмжээ хуулиар заагдсан байх ёстой. Магадгүй энэ буруу зүйл ч байж мэднэ. Би ердөө цагаан ордны эрх баригч сенатын гишүүд болон төлөөлөгчдийн танхим нийгмийн дундаж давхаргын иргэдийн төлөх татварыг зүй зохистой хуулинд тусгахыг л хүсч байна.”
Ирэх оноос АНУ-ын дунджаас дээгүүр орлоготой хүмүүсийн төлөх татварыг нэмэгдүүлэхээс гадна хэтэрхий их зарлага гаргаж байгаа цэрэг, батлан хамгаалах гэх мэт бусад салбаруудын төсөвт 110 тэрбум долларын хэмнэлт хийхээр төлөвлөж байгаа юм. Эдийн засгийн хэтийн бодлогоос гадна фермерийн аж ахуйн салбарын хуулинд ч нэмэлт өөрчлөлт оруулах шаардлагатай байгааг эрх баригчид дурдаж байлаа. Барак Обамагийн санаачилснаар татварын сангаас хуримтлуулах 536 тэрбум ам доллар бүхий л давхаргын иргэдэд хүрч, үр өгөөжөө түгээх юм

Венесуэлийн эрх баригчид ерөнхийлөгчөө эргэжээ

Венесуэлийн ерөнхийлөгч Уго Чавесыг эргэхээр дэд ерөнхийлөгч Николас Мадуро, төрийн өндөр дээд албан тушаалтнуудын хамт Кубын нийслэл Гавана хотыг зорьжээ. Эрх баригчид өчигдөр Гавана руу ниссэн байна.
Венесуэлийн ерөнхийлөгч Уго Чавесын биеийн байдлын тухай хамгийн сүүлд өнгөрсөн даваа гаригт албан ёсны мэдэгдэл хийж, орноосоо өндийн, алхаж байгаа гэсэн юм. Харин баасан гаригт мужийн захирагч нарын тангараг өргөх ёслол дээр дэд ерөнхийлөгч Николас Мадуро, бусад албан тушаалтнуудын хамт Гавана хотыг зорьж, ерөнхийлөгчтэй уулзахаа мэдэгдсэн байна. Эрх баригчид баасан гаригийн орой онгоцондоо суужээ.
Мөн өчигдөр Уго Чавес цэргийн албан хаагчдад зориулан шинэ жилийн мэндчилгээ илгээснийг уншиж танилцуулсан байна. Гэсэн ч сөрөг хүчнийхэн уг захидлыг Чавес өөрөө бичсэн гэх баталгаа байхгүй, тиймээс ерөнхийлөгчийн эрүүл мэндийн талаарх хамгийн сүүлийн үеийн бодит мэдээлэл өгөхийг хүсчээ.
Венесуэлийн дэд ерөнхийлөгч Николас Мадурохэлэхдээ:
“Юуны түрүүнд Боливарианы Засгийн газрын нэрийн өмнөөс та бүгдэд Кубын нийслэл Гавана хотыг зорих гэж байгаагаа дуулгаж байна. Тэнд бид удирдагч Уго Чавестай уулзах болно.”
Дэд ерөнхийлөгчийг эзгүй хойгуур тус улсын эрчим хүчний сайд Хектор Наварра төрийн хэргийг хариуцан үлдэж байгаа юм. Гаванаг зорьсон эрх баригчид хэзээ эргэж ирэх нь  одоогоор тодорхойгүй байна. Ирэх оны 1 дүгээр сарын 10-ны өдөр Уго Чавес 3 дахь удаагаа төрийн тэргүүний тангараг өргөх ёстой ч энэ хугацаандаа амжиж тэнхрэх найдлагагүй байгаа юм. Хэрэв Чавес төрийн эрх үргэлжлүүлэн барихгүй гэдэг нь тодорхой болбол түүний халааг дэд ерөнхийлөгч Мадуро авах өндөр магадлалтай байна

Афганистанд үүрэг гүйцэтгэж байгаа НАТО-гийн цэргүүд зул сарын зоог барилаа.

Афганистанд байрлаж байгаа олон улсын эвслийн цэргүүд зул сарын баярын өмнөх өдрийг тэмдэглэлээ. Энхийг сахиулах ажиллагаанд оролцож, эх орноосоо хол байгаа цэргүүд зул сард зориулан тусгайлан бэлдсэн оройн зоог барьсан байна.
Афганистаны нийслэл Кабул хотын олон улсын нисэх буудал дахь цэргийн баазад байрлаж байгаа АНУ болон НАТО-гийн цэргүүд зул сарын зоог барьж, зул сарын дууг хамтдаа дуулцгаалаа.
АНУ-ын цэрэг Кэнтин Браун хэлэхдээ:
“Бусад нөхдийнхөө адилаар би зул сарын баяраар гэр бүлийнхэнтэйгээ байхыг хүсч байна. Гэхдээ бид маш хариуцлагатай, өндөр үнэ цэнэтэй үүрэг гүйцэтгэж байгаа болохоор, үүргээ ухамсарлаж, энд байхын чухлыг ойлгож байгаа.”
Чех болон АНУ-ын цэргүүд зул сарын өмнөх мөргөл болон лаа асаах ёслолыг үйлдэхээсээ өмнө хамтдаа нэг ширээнд сууж, баярын зоог барьсан байна.
Харин энэ үед Испаний цэргүүд гадна талын аюулгүй байдлын өндөржүүлсэн манаанд гарсан байна.
Кабулын олон улсын нисэх буудал нь Афганистанд НАТО-гийн удирдлаган доор үүрэг гүйцэтгэж байгаа дэлхийн олон орны энхийг сахиулагчдын 2 дахь гэр нь болоод байгаа юм

Туркийг зорих Сирийн дүрвэгсдийн тоо нэмэгдсээр байн

Зэвсэгт хямрал үргэлжилж байгаа Сири улсад талхны хомсдол үүсч, өдрийнхөө талхыг худалдаж авахыг хүссэн хүмүүс дэлгүүрүүдийн гадна урт дараалал үүсгэдэг болоод нэлээдгүй хугацаа өнгөрч байна. Гэвч элэг нэгт ард иргэд нь хүнсний хомсдолд ороод байгааг үл тоомсорлон Башар Ассадын нисэх хүчин Сирийн Хама муж дахь талхны газрыг агаараас бөмбөгджээ. Энэ үеэр талханд дугаарлан зогсч байсан 40 гаруй хүн амиа алдсан байна.
Дайн тулаанаас болж бөмбөгдөлтөнд өртөж, үүдээ барьсан талхны цехийн тоо Сири улсад нэгээр  нэмэгдэж, иргэдийнх нь аж амьдрал улам бүр хүнд болж байна.
Хама мужын Хальфая хотыг Башар Ассадын цэргүүд агаараас бөмбөгдөх үед талхны цехийн гадна олон зуун хүн, тэдгээрийн дотор хүүхэд, эмэгтэйчүүд олноороо дугаарлан зогсч байжээ.
Агаарын дайралтанд амиа алдсан хүмүүсийн тоог эх сурвалжууд  янз бүрээр мэдээлж байна. Зарим нь 40 гаруй хүн амь үрэгдсэн хэмээн мэдээлж байгаа бол зарим нь амь үрэгдсэн хүний тоо 100-д хүрсэн хэмээн мэдээлж байна.
Башар Ассадын нисэх хүчин даваа гарагт Хальфая хотоос гадна Алеппо мужын Сафира, Дамаскийн хойд хэсэгт орших Сабка хотуудыг агаараас бөмбөгджээ. Хэд хоногийн өмнө Сирийн босогчдын хяналтанд орсон Хама мужид хямрал хурцадсантай холбогдуулан Туркийг зорих дүрвэгсдийн тоо эрс нэмэгдсэн байна.
Зөвхөн өчигдрийн байдлаар л гэхэд 700 гаруй хүн тус мужыг орхин Туркийн хилийн Рейханли хот руу дүрвэн гарчээ.
Сирийн дүрвэгч хэлэхдээ:
“Энд байгаа хүмүүсийн дийлэнх нь Хамагаас дүрвэн ирцгээсэн. Ассадын цэргүүд  биднийг алан хядагчид гэж үзэн, биднийг хайр найргүй бөмбөгдөж байна. Башар Ассад эхнэр хүүхдүүдийн маань эсрэг галлаж байна.  ”
Сирийн дүрвэгсдийг хамгийн ихээр хүлээн авч байгаа Турк улсад одоогийн байдлаар Сирийн 145 мянга гаруй дүрвэгч байрлаж байна. Хүйтний эрч өдрөөс өдөрт чангарч байгаа энэ үед Сирийн дүрвэгсдийн нөхцөл байдал хүндэрсээр байна.
НҮБ болон Арабын Лигээс Сирийн хямралыг шийдвэрлэх тусгай элчээр томило.гдон ажиллаж байгаа Лахдар Брахими Дамаскт хүрэлцэн ирээд байгаа юм.
Сирид 3 дахь удаагаа хүрэлцэн ирсэн тэрээр Сирийн ерөнхийлөгч Башар Ассадтай уулзахаар төлөвлөж байгаа юm

Уго Чавес ухаан оржээ

Венесуэлийн ерөнхийлөгч Уго Чавес Кубын нийслэл Гавана хотод хагалгаанд ороод 10 орчим хоногийн хугацаа өнгөрч байна. Энэ хугацаанд Венесуэлийн эрх баригчид Чавесын биеийн байдлын талаарх мэдээллийг өдөр тутам дамжуулж байсан юм. Хамгийн сүүлд ирүүлснээр Уго Чавес ухаан орсон байна.
Венесуэлийн ерөнхийлөгч Уго Чавес ухаан орсон тухай дэд ерөнхийлөгч Николас Мадуро мэдэгдсэн байна. Түүний хэлснээр Чавесын гэр бүлийнхэн Гавана хотын эмнэлэгт ерөнхийлөгчтэй хамт байгаа юм.
Венесуэлийн дэд ерөнхийлөгч Николас Мадурохэлэхдээ:
“Ерөнхийлөгч сайн байгаа, тэр ухаан орсон. Би түүнд өнгөрсөн ням гаригт болсон бүс нутгийн сонгуульд ялалт байгуулсан тухай мэдээг дуулгахад тэр их баяртайгаар хүлээн авч, саналаа өгсөн бүх хүмүүст талархлаа илэрхийлж байсан.”
Үндсэн хуулинд зааснаар ирэх оны 1 дүгээр сарын 10-ны өдөр ерөнхийлөгч Уго Чавес ирэх 6 жилийн хугацаанд үргэлжлүүлэн төрийн барих тангаргаа өргөх ёстой. Гэхдээ эмч нарын дүгнэлтээр Чавес өмнө нь хэд хэдэн удаа хорт хавдар авахуулах мэс засал хийлгэж, туяаны эмчилгээнд орсон тул бүрэн тэнхрэхэд дор хаяж сар, түүнээс ч илүү хугацаа шаардлагатай гэж үзэж байгаа юм.
Каракас хотын оршин суугч хэлэхдээ:
“Би түүнийг дахин хөл дээр нь босгож өгөөч гэж бурхнаас гуйж байна. Тэр бол бидэнд байсан хамгийн сайн ерөнхийлөгч, үргэлж бидний төлөө гэдэг. Тэр гар дээр минь юу ч тавиагүй ч ард түмэндээ хайр халамжаа үзүүлж чадсан.”
Ерөнхийлөгчийн тангараг өргөх ёслолын товыг хойшлуулах эсэхийг Дээд шатны шүүхийн тэргүүлэгч шийдэх юм. Одоогоор шүүгчид энэ тухай хэлэлцэж эхлээгүй байгаа юм. Хэрэв Чавес төрийн хэрэг удирдах боломжгүй гэдэг нь тодорхой болбол түүний халааг залгах хамгийн өндөр магадлалтай хүнээр Венесуэлийн дэд ерөнхийлөгч Николас Мадуро тодорч байна

Гватемалын оршин суугчид шинэ эрин үеийг баяртайгаар угтан авч байна

2012 оны 12 дугаар сарын 21-ний өдрийг дэлхийн төгсгөл бус харин илүү оюунлаг шинэ эрин үеийн эхлэл гэж үзсэн Гватемалчууд Эртний Маяачуудын хот бунханд цуглаж шинэ эринийг баяртайгаар угтан авч байна. Тус улсын төрийн тэргүүн оршин суугчдын хамт баярт оролцжээ.
Өчигдөр орон нутгийн цагаар 21 цагт Гватемалчууд археологийн үнэт олдвор бүхий Тикал цогцолборт цуглаж баярлацгаасан байна. Тэд Маяачуудын 5,125 жилийн бактун он тоолол дуусч, илүү оюунлаг шинэ эрин эхэлж байгааг Маяа үндэсний дуу хөгжим, хувцас, гоёл чимэглэлтэйгээр угтаж байгаа юм байна.
Тикал түүхэн дурсгалт газрын хамгийн алдартай сүм болох Аварга ирвэс / шар цоохор / сүмийн үүдэнд хүмүүс цуглаж шувуу жиргэх, ирвэс архирах дуугаар баярын арга хэмжээг нээжээ. Баярын арга хэмжээг Гватемалын телевизээр шууд дамжуулсан байна. Тус улсын ерөнхийлөгч Отто Перез баярын арга хэмжээнд оролцож байсан тул харуул хамгаалалт чанга байснаас зарим хүмүүсийг нэвтрэхийг хориглож байсан юм. Энэ нь иргэдийн бухимдлыг төрүүлж, зарим хүмүүс Тикал цогцолборын гадаа эсэргүүцлийн жагсаал хийсэн байна.
Гватемалчуудын баяр тэмдэглэж буй Тикал түүхэн дурсгалт газар Оддын дайн кинонд гардаг бөгөөд манай эриний 300-900 оны үед амьдарч байсан Маяа омгийн 80,000 гаруй хүний сүнс энд байдаг гэж үздэг байна. Өнөөдөр энэ газар аялагч жуулчдын хамгийн их очих дуртай газруудыг нэг болжээ. Ойролцоогоор 3,000 гаруй том жижиг барилга, сүмээс бүрдсэн цогцолбор газарт 2,630 жилийн өмнө анхны Маяа хүн ирж байсан юм байна.
Гватемалаас гадна Мексикийн 2,500 гаруй жилийн настай Чичен-Ица Маяачуудын түүхэн дурсгалт газарт олон зуун хүн цуглаж шинэ эрин үеэ угтсан байна. Баярт оролцож буй нутгийн уугуул оршин суугчид, аялагч жуулчид алдарт Кукулкан пирамидын өмнө гэрэл зургаа авахуулж байсан юм.
Энэ дашрамд сонирхуулахад Маяачууд 394 жилийн бактун он тоолол хөтөлж, 13 дахь бактун жил нь өнөөдөр дуусч байгаа юм. Зарим хүмүүс энэ өдрийг дэлхийн төгсгөл гэж цуу тараан хүмүүсийг төөрөгдүүлж байгаад шүүмжлэлтэй хандаж байна

Путин айлчлалынхаа үеэр Энэтхэгтэй 3 тэрбум ам.долларын гэрээ байгууллаа

ОХУ-ын ерөнхийлөгч Владимир Путин Энэтхэг улсад албан айлчлал хийж байна. Путины айлчлалын үеэр хоёр улс цэрэг техникийн салбарт хамтран ажиллах 3 тэрбум орчим долларын томоохон гэрээ байгуулсан байна.
ОХУ-ын ерөнхийлөгч Владимир Путин айлчлалынхаа үеэр Энэтхэгтэй хоёр томоохон гэрээг байгуулж чадсан байна. Эхний байгуулсан 1,3 тэрбум долларын гэрээгээр ОХУ Энэтхэгт 71 ширхэг Ми-17 нисдэг тэргийг нийлүүлэхээр болсон байна.
Харин 1,6 тэрбум долларын өртөгтэй хоёр дахь гэрээгээр ОХУ Энэтхэгийн HAL үйлдвэрт Су-30 загварын 42 ширхэг сөнөөгч онгоцыг лицензээр угсрахаар болсон байна.
Өнгөрсөн онд ОХУ Энэтхэгт 80 ширхэг Ми-17 нисдэг тэрэг нийлүүлэх гэрээг байгуулж байсан юм.
Зэвсэгт хүчнийхний зэр зэвсэг техник технологийг шинэчлэж, сайжруулах ажлыг явуулж байгаа Энэтхэг улс нь одоогийн байдаар  Оросын Су-30 сөнөөгч онгоцноос  230 ширхэгийг худалдан  аваад байгаа юм. Энэ нь 8,5 тэрбум доллараар үнэлэгдэж байгаа юм.
Гэхдээ энэхүү 230 онгонцы 140-ийг нь 2 улсын хооронд 2000 онд байгуулагдсан лицензийн гэрээний дагуу Энэтхэгин HAL корпораци 2015 оныг дуустал өөрийнхөө үйлдвэрт Оросын Су-30 МКИ сөнөөгч онгоцноос 140 ширхэгийг угсрах ёстой юм.
Энэ онд Энэтхэг Оросын хоорондох худалдааны эргэлт 10 тэрбум ам.долларт хүрсэн байна.
Хэдийгээр ОХУ нь Энэтхэгтэй зэвсэгт хүчний салбарт томоохон гэрээнүүдийг байгуулсан ч сүүлийн 2 жилийн хугацаанд Энэтхэгийн зарласан хэд хэдэн томоохон тендерт ялагдал хүлээсэн юм.
ОХУ, Энэтхэг улсууд нь Хүйтэн дайнаас хойш хоорондоо маш сайн харилцаатай байгаа бөгөөд ОХУ нь Энэтхэгийн зэвсэгт хүчний гол нийлүүлэгч орон юм.
Манай хойд хөрш 2000-аас 2010 оны хугацаанд сөнөөгч онгоц, пуужин, танк, зэр зэвсэг нийлүүлэх нийт 30 тэрбум  ам долларын гэрээг Энэтхэгтэй байгуулсан байна.
Түүнчлэн Путины энэ удаагийн айлчлалын хүрээнд ОХУ, Энэтхэг улсууд хоёр талын хамтын ажиллагааны хэд, хэдэн баримт бичигт гарын үсгээ зурсан байна.
Туайлбал ОХУ-ын шууд хөрөнгө оруулалтын сан болон Энэтхэгийн банкны хооронд 1 тэрбум доллар хүртэл шууд хөрөнгө оруулалтаар дэмжлэг үзүүлэх тухай харилцан ойголцлын санамж бичиг байгуулагсдан байна. Мөн ОХУ-ын ГХЯ болон Энэтхэгийн ГХЯ-ны хооронд 2013-2014 онуудад зөвлөлдөх тухай протоколд гарын үсэг зурсан байна.

Викилийкс цахим хуудас ирэх онд завгүй ажиллана

АНУ болон дэлхийн томоохон байгууллагуудтай холбоотой нууц баримт бичгүүдийг олон нийтийн цахим хуудсанд дэлгэснээрээ олон улсын хараа хяналтанд орсон Жулиан Ассанж Лондон дах Эквадорын элчин сайдын яамны тагтан дээрээс дэмжигчидтэйгээ уулзлаа. Жулиан Ассанж дэмжигчиддээ хандан Викилийкс цахим хуудас ирэх онд завгүй ажиллах болно гэдгийг онцолж байсан юм.
Викилийкс цахим хуудсыг үүсгэн байгуулагч Жулиан Ассанжийг Лондон дахь Эквадорын элчин сайдын яамны тагтан дээрээс үг хэлэхэд хүйтэн цаг агаарыг үл тоон дэмжигчид нь алга ташин баяр хүргэж байсан юм. АНУ-д баригдахаасаа зугтааж Эквадорын элчин сайдын яаманд бараг хагас жилийн хугацааг өнгөрөөсөн гэхэд Ассанж эрүүл чийрэг харагдаж байлаа. Түүний энэ удаагийн мэдэгдэл ямар нэгэн нууц дохио сануулга биш, харин мухардлаас гарах арга зам гэдгийг олон улсын сэтгүүлчид бичиж байна.
Викилийкс цахим хуудсыг үндэслэгч Жулиан Ассанж хэлэхдээ:
“Та бүхэн Брэдли Мэнинг санаж байгаа байх, тэр энэ долоо хоногт 25 нас хүрч байна. Залуу хүний амьдралын 10 гаруй хувийг нүцгэлж, нүдний шилийг нь авч харанхуй газар хорихдоо нэг ч удаа дорвитой шүүх хурал хйисэнгүй. Гэвч үндэслэлгүй мөрдлөг үргэлжилсээр байхад Австралийн Засгийн газар хэвлэн нийтлэн эрх зүйгээ хамгаалж чадахгүй байна. Тиймээс би эндээ үлдэх ёстой.”
“Ирэх жил бид амрах завгүй ажиллах болно. Викилийкс цахим хуудсанд та бүгдэд бэлэг барих сая гаруй нууц баримт бичгүүд бэлэн болсон. Энэ бүх баримт материалууд дэлхийн бүх улс оронтой холбоотой, бүгдтэй нь..”
АНУ-ын цэрэг Брэдли Мэнинг Жулиан Ассанжид тусалж, армийн нууц материалуудыг дамжуулсан хэрэгт буруутгагдан баривчлагдсан ч одоогоор энэ хэрэг чимээгүй байгаа юм. Ассанжийн хувьд Эквадорын элчин сайдын яамнаас ганц алхам гарахад л Британий цагдаа нарт баривчлагдан түүнийг бэлгийн хүчирхийлэлтэй холбоотой хэргээр Шведийн Засгийн газарт хүлээлгэн өгөхөд бэлэн байгаа. Хэрэв Шведийн Засгийн газарт хэрэг нь шилжвэл АНУ-ын гарт орох аюул хүлээж байгаа юм

Read more »

Мэдээлэл,